وجه أحمد حسام ميدو عضو لجنة تخطيط نادي الزمالك، اعتذارا للجماهير في أعقاب خسارة الفريق الأبيض أمام بيراميدز، بهدف دون رد، في اللقاء الذي جمع الفريقين، مساء اليوم الثلاثاء، على استاد القاهرة الدولي، ضمن مباريات الجولة السادسة من المرحلة النهائية لبطولة الدوري المصري الموسم الجاري.

ميدو يعتذر لجمهور الزمالك

وقال «ميدو» في تصريحات تليفزيونية عبر قناة «أون تايم سبورت»: «بنعتذر لجمهور الزمالك كلنا مسؤولين.. كلنا في مركب واحدة لكن لازم نشتغل ويبقي في فريق يليق باسم الزمالك السنة الجاية».

وأضاف: «احنا بنوعد الجمهور انه هيحصل احنا كلنا شغالين كـ لجنة تخطيط ومع مجلس الإدارة لأن لازم نعيد هيكلة قطاع كرة القدم بشكل احترافي ودي الطريقة اللي نقدر نقلل الفوارق مع المنافسين».

ميدو: الرمادي لا يتحمل المسؤولية أمام بيراميدز

وتابع: «أنا مبحملش كابتن ايمن الرمادي المسؤولية الراجل لسة جاي وفيه إصابات وغيابات».

وواصل ميدو: «آخر كلمة إحنا عارفين جمهور الزمالك زعلان واحنا زعلانين زيهم وأكتر منهم،، بنوعدهم اننا هنشتغل لازم نفوز بالكأس ونحضر نفسنا للموسم الجديد».